Ներկայացուցիչը Հայաստանում

ՄԱԿ-ի Փախստականների գործակալության համակարգում իր 23-ամյա գործունեության ընթացքում տ-ն Կավիտա Բելանին ծառայել է բազմաթիվ տարածաշրջաններում եւ պաշտոններում, ներառյալ՝ աշխատանքն Աֆրիկայի եւ Մերձավոր Արեւելքի երկրներում արձանագրված արտակարգ իրավիճակներում։ Նա նաեւ աշխատել է Աֆրիկյան միությունում ՄԱԿ ՓԳՀ ներկայացուցչությունում (Եթովպիա)։

Նախկինում տ-ն Բելանին զբաղեցրել է Հարավային Սուդանում իրավական պաշտպանության գծով ավագ համակարգողի, ՄԱԿ ՓԳՀ Քեյփթաունի (Հարավաֆրիկյան Հանրապետություն) գրասենյակի ղեկավարի, Սիրիայի փախստականների ճգնաժամի շրջանակում գենդերահեն բռնության դեմ պայքարի հարցերով տարածաշրջանային ավագ խորհրդատուի պաշտոնները։ Վաղ 2000-ական թվականներին նա աշխատել է նաեւ Ղազախստանում, Պակիստանում եւ Իրաքում, իսկ միջազգային աշխատանքային գործունեությունն սկսել է Թաիլանդից։

Տ-ն Բելանին ծագումով Մալայզիայից է։ Մալայզիայում եւ Մեծ Բրիտանիայում նա ուսանել է իրավաբանություն եւ երաժշտություն։ Տ-ն Կավիտա Բելանին տիրապետում է վեց լեզվի։