ՄԱԿ-ի Փախստականների հարցերով գերագույն հանձնակատարի գրասենյակը (ՄԱԿ ՓԳՀ) համաշխարհային կազմակերպություն է, որի նպատակն է փախստականների, բռնի տեղահանված համայնքների և քաղաքացիություն չունեցող անձանց կյանքի փրկությունը, նրանց իրավունքների պաշտպանությունը և նրանց համար ավելի լավ ապագայի կառուցումը:
ՄԱԿ ՓԳՀ-ն Հայաստանի Հանրապետությունում իր գործունեությունն սկսել է 1992 թ. դեկտեմբերին՝ նպաստելու փախստականների զանգվածային ներհոսքի հետ կապված մարդասիրական արձագանքման գործողություններին։
Հայաստանը ՄԱԿ ՓԳՀ-ի Գործադիր Կոմիտեի (EXCOM) լիիրավ անդամ է 2015 թվականից: ՄԱԿ ՓԳՀ-ի հայաստանյան գրասենյակը կենտրոնացած է մարդասիրական կարիքների բավարարման և Հայաստանում ապաստան փնտրող տեղահանված բնակչության ինտեգրման խթանման վրա: Հիմնվելով վերջին երեսուն տարիների ընթացքում ձեռք բերված առաջընթացի վրա, մասնավորապես՝ օրենսդրական բարեփոխումների, ապաստանի ընթացակարգերի և մարդասիրական արձագանքման ցանցերի ստեղծման ոլորտում, ՄԱԿ ՓԳՀ 2022 թվականի համար սահմանված հիմնական ուղղություններն են․
- Բարենպաստ պաշտպանության միջավայրի ստեղծում
- Համայնքների ներգրավվածություն և կանանց հզորացում
- Բարեկեցություն և հիմնական կարիքներ
- Տարածաշրջանային ինտեգրում և այլ տեղային լուծումներ
- Հաղորդակցություն համայնքների հետ
- Պաշտպանություն սեռական շահագործումից և չարաշահումից (պաշտպանություն, կանխարգելում և արձագանքում)
- Պատասխանատու անջատում և քայլեր անվտանգ միջավայրի ամրապնդման գործում
- Ապաքաղաքացիության կանխարգելում, նվազեցում և վերացում, քաղաքացիություն չունեցող անձանց իրավունքների պաշտպանություն
Խնդրում ենք նկատի ունենալ, որ ՄԱԿ ՓԳՀ հայաստանյան գրասենյակի մանդատը չի ներառում ապաստանի դիմումների ընդունումը՝ այլ երկրներ ապաստան հայցելու համար: Այլ երկրներում ապաստանի ընթացակարգերի վերաբերյալ տեղեկատվություն ստանալու համար խնդրում ենք դիմել համապատասխան երկրների դեսպանություններ: