Հայտերի ընդունման բաց մրցույթ

ՄԱԿ ՓԳՀ հայաստանյան ներկայացուցչությունում ընդհանուր ծառայության (General Service) թափուր հաստիքներին դիմելու նպատակով Խումբ 2-ում (Group 2) ընդգրկվելու համար

Այն թեկնածուները, ովքեր համապատասխանում են ներքոնշյալ չափանիշներին, հնարավորություն կունենան դիմելու ՄԱԿ ՓԳՀ Հայաստանի ներկայացուցչության կողմից ներքին ընթացակարգով հայտարարվող ընդհանուր ծառայության թափուր հաստիքներին։

Ի՞նչ է Խումբ 2-ը

Խումբ 2-ը թեկնածուների ցուցակ է, որը ներառում է ստորև ներկայացված մեկ կամ մի քանի կատեգորիաների ներքո աշխատող և Հայաստանի ՄԱԿ ՓԳՀ-ում կամ ՄԱԿ-ում անընդմեջ կամ կուտակային մեկ տարվա փորձ ունեցող դիմորդներին․^[1] 

• կարճաժամկետ պայմանագրային հիմունքներով ներկայում^[2] աշխատող ՄԱԿ ՓԳՀ տեղացի աշխատակիցները.
• անժամկետ կամ ֆիքսված ժամկետով պայմանագրային հիմունքներով ՄԱԿ ՓԳՀ տեղացի նախկին աշխատակիցները (տղամարդկանց դեպքում աշխատանքի ավարտից հետո երկու տարվա ընթացքում, իսկ կանանց դեպքում՝ հինգ տարվա).
• ներկայումս ՄԱԿ ՓԳՀ-ում աշխատող ՄԱԿ-ի Ազգային կամավորները (UNV).
• ներկայումս ՄԱԿ ՓԳՀ-ում աշխատող ազգային UNOPS աշխատակիցները կամ անհատ կապալառուները (Individual Contractors).
• անժամկետ կամ ֆիքսված ժամկետով պայմանագրի հիման վրա ներկայումս աշխատող ՄԱԿ ՓԳՀ ընդհանուր ծառայության աշխատակիցները, ովքեր դիմում են իրենց ընթացիկ աստիճանից երկու աստիճան բարձր հաստիքի.
• միջազգային պրոֆեսիոնալ կատագերիայի՝ անժամկետ կամ ֆիքսված ժամկետով պայմանագրի հիման վրա ներկայումս աշխատող ՄԱԿ ՓԳՀ աշխատակիցները.
• անժամկետ կամ ֆիքսված ժամկետով պայմանագրի հիման վրա ներկայումս աշխատող ՄԱԿ ՓԳՀ պրոֆեսիոնալ կատեգորիայի ազգային աշխատակիցները.
• անժամկետ կամ ֆիքսված ժամկետով պայմանագրին համարժեք պայմանագրի հիման վրա ներկայումս աշխատող ՄԱԿ-ի այլ կազմակերպությունների տեղացի կին աշխատակիցները։

Խումբ 2-ի կարգավիճակը վավեր է երեք տարի, որի ընթացքում թեկնածուները հնարավորություն կունենան դիմելու ՄԱԿ ՓԳՀ-ի հայաստանյան ներկայացուցչության ներքին ընթացակարգով հայտարարված ընդհանուր ծառայության թափուր հաստիքներին։

Ինչպե՞ս դիմել Խումբ 2-ում ընդգրկվելու համար

Հետաքրքրված թեկնածուները պետք է ներկայացնեն իրենց դիմումները։ Այդ նպատակով խնդրում ենք ներբեռնել և լրացնել Անձնական պատմության ձևաթուղթը (The Personal History Form) և, անհրաժեշտության դեպքում, ձևաթղթի օժանդակ թերթը (supplementary sheet), ապա ուղարկել  [email protected] հասցեին։

Անժամկետ կամ ֆիքսված ժամկետով պայմանագրի հիման վրա ներկայում աշխատող ՄԱԿ ՓԳՀ աշխատակիցները կարող են նշված հասցեին նամակ ուղարկել՝ հայտնելով իրենց հետաքրքրությունը։ Խնդրում ենք նամակի վերնագրում նշել «Application for Group 2 status – UNHCR Representation in Armenia»։

ՄԱԿ ՓԳՀ-ում Ձեր աշխատելու ժամկետներն ուսումնասիրելուց հետո Դուք կստանաք ծանուցում  Խումբ 2 կարգավիճակի հաստատման մասին։

Ի՞նչ են իրենցից ներկայացնում մյուս խմբերը

Ընդհանուր ծառայության կատեգորիայի թափուր հաստիքների համար դիմողները բաժանվում են Խումբ 1-ի, Խումբ 2-ի և արտաքին թեկնածուների։ Խումբ 1-ի մեջ մտնում են անժամկետ կամ ֆիքսված ժամկետով պայմանագրի հիման վրա ՄԱԿ ՓԳՀ-ում աշխատող ընդհանուր ծառայության աշխատակիցները․ աշխատանքի ընդունման գործընթացում նրանց դիմումներին տրվում է առաջնահերթություն։ Խումբ 2-ի մեջ մտնում են վերոնշյալ թեկնածուները։ Արտաքին թեկնածուները Խումբ 1-ի և Խումբ 2-ի ներքո չընդգրկված մյուս թեկնածուներն են։

***

^[1] Որպես կուտակային փորձ կարող է դիտարկվել նաև կատեգորիաների համադրությունը։ Ծառայության ընթացքում երեք կամ պակաս ամիսների դադարը չի ազդում որակավորման ժամանակահատվածի վրա։

^[2] «Ներկայում» նշանակում է բաց հայտին դիմելու պահը։

Տարածել Facebook-ով Տարածել Twitter-ով