ئیتاڵیا بە بەشدارییەکی بەرچاو پاڵپشتی خۆی بۆ پەنابەران لە عێراق بەهێز دەکات

بەغدا، عێراق - کۆمسیاری باڵای نەتەوە یەکگرتووەکان بۆ پەنابەران پێشوازی لە بەشدارییەکی بەخشندەی حکومەتی ئیتاڵیا دەکات، لە ڕێگەی دەزگای ئیتالیا بۆ هاوکاری گەشەپێدان، بۆ پشتگیریکردنی پەنابەران و پەناخوازان لە سەرانسەری عێراق لە ڕێگەی پڕۆژەی "بەرزکردنەوەی دەستڕاگەیشتن بە هاوکاری یاسایی و پاڵپشتیکردنی پەنابەران لە سوریاوە بۆ گەڕانەوە بۆ ماڵەوە بە شێوەیەکی خۆبەخشانە، بە سەلامەتی و بە کەرامەتەوە".

ئەم بەشدارییە یارمەتی کۆمسیاری پەنابەران دەدات کە هاوکاری یاسایی پێشکەش بەو پەنابەرانە و پەناخوازانە بکات کە مەترسی دەستبەسەرکردن یان دیپۆرتکردنەوەیان لەسەرە بە هۆکاری پەیوەست بە کۆچبەری. ئەمەش بریتییە لە پێشکەشکردنی ڕاوێژکاری یاسایی و لەکاتی پێویستدا نوێنەرایەتی یاسایی بۆ ڕێگریکردن لە دەستبەسەرکردنی نایاسایی، دەستەبەرکردنی ئازادکردنی ئەو کەسانەی کە بەو جۆرە تۆمەتانە ڕاگیراون و کەمکردنەوەی مەترسی دیپۆرتکردنەوە و چارەسەرکردنی تەحەددای یاسایی و کارگێڕی فراوانتر، لەوانەش دەستڕاگەیشتن بە بەڵگەنامە مەدەنییەکان. لە کۆتاییدا ئەم پشتیوانییە یارمەتیدەر دەبێت بۆ بەهێزکردنی مافی پەنابەران و پەناخوازان لە عێراقدا.

جەنابی بەڕێز نیکۆلۆ فۆنتانا، باڵیۆزی ئیتاڵیا لە عێراق دەڵێت "ئیتاڵیا شانازی دەکات بە بەردەوامی لە هاوبەشییەکەی لەگەڵ کۆمسیاری باڵای نەتەوە یەکگرتووەکان بۆ پەنابەران لە دۆزینەوەی چارەسەری بەردەوام بۆ پەنابەران و کۆمەڵگا ئاوارەکان، پابەندبوونمان بە یارمەتییە مرۆییەکان و پاراستنی لە عێراق بە جێگیری دەمێنێتەوە لەکاتێکدا هاوکاری دەکەین بۆ دروستکردنی گۆڕانکاری بەردەوام بۆ تاکەکانی لاواز".

ئەم دوایین بەشدارییە درێژکراوەی پشتگیرییەکانی ئیتالیایە لە ساڵی ٢٠٢٥، کە وایکرد کۆمسیاری پەنابەران یارمەتی یاسایی پێشکەش بە ٥٠٠٠ پەنابەر و پەناخواز بکات و هەروەها هاوکاری نەختینەیی بۆ ١٠٠٠ خێزانی پەنابەر (٥٠٠٠ کەس) کە لە بواری ئابووری-کۆمەڵایەتی لاوازن بکات.

ئەمەش هەروەها تەواوکەری پڕۆژەیەکی بەردەوامە کە لەلایەن ئیتاڵیا پاڵپشتی دەکرێت و تیشک دەخاتە سەر فراوانکردنی دەستڕاگەیشتن بە پەنابەران بۆ خزمەتگوزارییە گشتییە سەرەکییەکان لە عێراق لەڕێگەی بەهێزکردنی پەیوەندی نێوان بەڕێوەبردنی کەمپەکان و کۆمەڵگاکانی پەنابەران.

پاولین فرێسنو، نوێنەریکۆمسیاری باڵای نەتەوە یەکگرتووەکان بۆ پەنابەران بە وەکالەت لە عێراق وتی: "هاوبەشیمان لەگەڵ ئیتاڵیا ڕۆڵی سەرەکی هەبووە لە یارمەتیدانی کۆمسیاری باڵای نەتەوە یەکگرتووەکان بۆ پەنابەران بۆ پشتگیریکردنی چارەسەری درێژخایەن بۆ دانیشتوانی ئاوارە لە عێراق." خاتوو فرێسنیۆ وتی:بە قووڵی پابەندبوونی بەردەوامی ئیتاڵیا بە پاراستنی نێودەوڵەتی بەرز دەنرخێنێت، کە وەک بەشێکی دانەبڕاو لە چارەسەرەکان بۆ ئاوارەبوونی زۆرەملێ دەمێنێتەوە."

ئیتاڵیا وەک یەکێک لە هاوبەشە سەرەکییە حکومییەکانی کۆمسیاری باڵای نەتەوە یەکگرتووەکان بۆ پەنابەران دەمێنێتەوە چ لە ئاستی جیهانی و چ لە عێراق. پشتگیرییەکەی ڕێگە بە کۆمسیاری باڵای نەتەوە یەکگرتووەکان بۆ پەنابەران دەدات وەڵامی بەپەلەترین پێداویستییەکان بداتەوە لە هەمان کاتدا یارمەتی بەهێزکردنی توانا نیشتمانییەکان و پێشخستنی بەشداریکردنی پەنابەران لە سیستەم و خزمەتگوزارییە گشتیەکاندا بدات.

لە ئێستادا عێراق میوانداری زیاتر لە ٣٥٠ هەزار پەنابەر و پەنابەری دەکات، کە زۆرینەیان - نزیکەی ٩٠% یان - خەڵکی سوریان. لە ساڵی ٢٠٢٥دا، نزیکەی ٧ هەزار پەنابەری تۆمارکراوی سووری خۆبەخشانە لە عێراقەوە گەڕانەوە ماڵەوە، و کۆمسیاری باڵای نەتەوە یەکگرتووەکان بۆ پەنابەران بەردەوام دەبێت لە پشتگیریکردن بۆ گەڕانەوەی خۆبەخشانە لە ساڵی ٢٠٢٦. بۆ ئەوانەی کە نایانەوێت بگەڕێنەوە، کۆمسیاری باڵای نەتەوە یەکگرتووەکان بۆ پەنابەران بەردەوامە لە پێشکەشکردنی پشتگیری بەردەوام بۆ یارمەتیدانی پەنابەران’ بۆ بنیاتنانی پشتبەستن بە خۆیان و بەشداریکردن لە کۆمەڵگا میواندارەکانیان لە عێراق بە هاوکاری لەگەڵ ئاژانسەکانی دیکەی نەتەوە یەکگرتووەکان و حکومەتی عێراق.

بۆ زانیاری زیاتر پەیوەندی بکەن بە:[email protected]