Flóttamannastofnun SÞ þakkar Íslandi stuðninginn við aðstoð og vernd á flóttafólki um allan heim

Flóttamannastofnun Sameinuðu þjóðanna (UNHCR) lofar mjög skuldbindingu Íslands til þess að aðstoða og vernda flóttafólk um allan heim, með auknum fjárframlögum Íslands til Flóttamannastofnunarinnar fyrir árið 2022.

„Með meira en 100 milljónir manna sem eru neyddar frá heimilum sínum um gjörvallan heim vegna stríðs, ofbeldis, ofsókna og mannréttindabrota, er mannúðar- og verndarþörf mikil. Við treystum á stuðning framlagsríkja og á Ísland í því sambandi skilið viðurkenningu fyrir að bregðast skjótt við alþjóðlegum aðstæðum með því að auka fjárframlög sín ,“ segir Henrik M. Nordentoft, fulltrúi Flóttamannastofnunar Sameinuðu þjóðanna fyrir Norðurlöndin og Eystrasaltslöndin.

Á síðasta ári lagði Ísland sitt stærsta fjárframlag nokkru sinni til starfa Flóttamannastofnunar Sameinuðu þjóðanna á heimsvísu og lagði alls til 4,2 milljónir Bandaríkjadala, sem er 120 prósent aukning frá árinu á undan. Af framlaginu lagði Ísland til tæpar 1,5 milljónir Bandaríkjadala sem svokallað óeyrnamerkt fjármagn, sem er þreföldun frá fyrra ári. Slík fjármögnun er lífsnauðsynleg og gerir Flóttamannastofnun Sameinuðu þjóðanna kleift að bregðast við neyðartilvikum sem þróast hratt, eins og raunin varð til að mynda í Úkraínu á síðasta ári, auk þess að veita vernd og lífsbjargandi aðstoð í langvinnum og oft gleymdum krísum um allan heim.

„Þökk sé þessum fjármunum getum við aðstoðað flóttafólk, ekki aðeins við að finna öryggi, heldur einnig til að geta endurbyggt líf sitt með því að tryggja aðgang að heilbrigðisþjónustu, menntun og lífsviðurværi. Sem lítið land er alþjóðleg þátttaka Íslands í flóttamannavernd öðrum innblástur,“ segir Henrik M. Nordentoft. „Við vonum að Ísland haldi áfram þessu mikilvæga verkefni og beiti sömu sterku skuldbindingu um vernd flóttafólks heima fyrir.“

Árið 2022, reyndist vera sorglegt þegar að kom að nauðungarflutningum. Innrásin í Úkraínu hefur leitt til stærstu og mest vaxandi flóttamannavanda frá síðari heimsstyrjöldinni. Um þessar mundir hafa tæplega 8 milljónir manna flúið land og um 6 milljónir manna eru á flótta innanlands í Úkraínu.

Hins vegar mega aðrar krísur í heiminum ekki yfirsjást og gleymast. Þar halda börn, konur og karlar áfram að vera rifin upp með rótum og neydd til flýja heimili sín. Í Sýrlandi, Mjanmar, Venesúela, Suður-Súdan, Jemen, Afganistan, Kongó svo eitthvað sé nefnt. Athygli heimsins verður líka að beinast að þeim.

Aðstæður þessa fólks hafa versnað verulega vegna efnahagslegra afleiðinga stríðsins í Úkraínu. Við það bætist útbreitt og versnandi fæðuóöryggi sem og hörðum veruleika loftslagsbreytinga, sem leiða til þurrka, landeyðingar og flóða á mörgum svæðum, eru áhrifin þar af leiðandi í neyðartilvikum vegna mannúðarmála mikil.

Með teknu tilliti til aukinna þarfa áætlaði Flóttamannastofnun SÞ í fjárhagsáætlun sína á síðasta ári um 10,7 milljarða dollara, en náði einungis 56% af því marki (6 milljarðar dollara). Tæplega þrír fjórðu komu frá stjórnvöldum, þar á meðal Evrópusambandinu – og mikil aukning sást í framlögum frá einkaaðilum, fyrirtækjum, stofnunum og einstökum veitendum, samtals 1,17 milljarðar dollara.

„Því miður neyða vopnuð átök og mannréttindabrot enn fólk til að flýja og er ástandið á heimsvísu enn þá áhyggjuefni. Stuðningur Íslands og annara mannúðar framlagsríkja mun halda áfram að bjarga mannslífum árið 2023,“ segir Henrik M. Nordentoft.

Deila á Facebook Deila á Twitter