Um Flóttamannastofnun Sameinuðu þjóðanna

Flóttamannastofnunin starfar á heimsvísu að því að bjarga lífum, standa vörð um réttindi og tryggja betri framtíð fyrir flóttafólk, hópa sem hafa lent í nauðungarflutningum og ríkisfangslausa einstaklinga.

Við viljum tryggja að allir hafi rétt til að sækja um hæli og finna öruggan stað eftir að hafa flúið ofbeldi, ofsóknir, stríð eða hörmungar í heimalandi sínu.

Frá árinu 1950 höfum við tekist á við ýmiss konar neyðarástand víðsvegar um heiminn og veitt flóttafólki, hælisleitendum, einstaklingum á vergangi innan eigin lands og ríkisfangslausum einstaklingum nauðsynlega aðstoð. Í samstarfi við fjölda aðila leitum við lausna sem tryggja að fólk geti komið sér fyrir á öruggum stað og byggt sér upp framtíð að nýju.